50 fakte interesante per Barak Obamen

Që në fillim të fushatës së tij presidenciale, por edhe tani gjatë Presidencës, Barack Obama është cilësuar si një personalitet aspak i zakonshëm. Kjo për shkak të prejardhjes së tij të përzierë dhe jetesës së tij në vende të ndryshme. Por pavarësisht këtyre fakteve, gazeta angleze “Telegraph” ka bërë një listë të 50 fakteve mbi Barack Obama-n, të cilat nuk janë dhe aq të njohura. Një prej tyre është se atij s’i pëlqen aspak stili i të rinjve për të veshur pantallona të gjera me shtrat të ulët. Apo fakti se ai është larguar nga festa e beqarisë së kunatit të tij, kur aty ka mbërritur një striptiste. Apo se mund të thuhet me plot gojën se ai ka një stomak të fortë, pasi kur ka jetuar në Indonezi ka ngrënë mish qeni dhe mish gjarpri.Ngjyra e Obama-s

Shkrimtari Richard Rodriguez, djali i emigrantëve meksikanë, shkroi para pak kohësh se ngjyra e re kombëtare e Amerikës nuk është as e bardhë dhe as e zezë, por kafe.

I pëlqen apo jo, Obama duhet të personifikojë këtë Amerikën më multi-kulturore dhe më kozmopolitane. Është një prej arsyeve pse liberalët e duan; ai personifikon një Amerikë të re, më diverse, më tolerante dhe më të hapur ndaj botës. Por, kjo është gjithashtu dhe thembra e tij e Akilit. Ndërsa fytyra e Amerikës ka ndryshuar, ashtu dhe fytyra e racizmit amerikan. Fanatizmi i dalë mode ndaj të zinjve ekziston akoma, por sot amerikanët e bardhë e lidhin ngjyrën e errët të lëkurës më shumë me të huajt. Kur amerikanët ankohen për integrimin në shkollë, ato shpesh u referohen fëmijëve të emigrantëve.Janë këto frikëra të shekullit të 21-të në lidhje me ndryshimet jashtë Amerikës që duket se janë jashtë kontrollit të amerikanëve të zakonshëm. Në mars “Pew” mësoi se 56 për qind e votuesve me shkollë të mesme i shohin të ardhurit si kërcënim, krahasuar me më pak se një e treta e atyre me universitet. Votuesit e bardhë, të cilët s’janë diplomuar në universitet kishin më shumë gjasa të mendonin se Obama është mysliman si ato që s’e kishin arsimin e lartë.

Emrat e koduar

President i ri i SHBA-së, Barack Obama, ka marrë emrin e tij të koduar nga shërbimet sekrete, si çdo president tjetër. Emri i tij i koduar është “Renegade – Renegat”, ndërkohë që zonja e parë do të jetë “Renaissance – Rilindja”. Emrat e dy vajzave që do pëshpëriten në mikrofona nga forcat e sigurisë do jenë “Rosebud – Gonxhe” dhe “Radiance – Rrezatim”. Emrat e koduar që i referohen Presidentit të SHBA-së dhe familjes së tij janë relike të epokës kur komunikimi elektronik ishte shumë pas. Duke qenë se ato nuk shërbejnë tashmë si një funksion i mirëfilltë sigurie, ato përdoren më së shumti për humor apo për të luajtur në Shtëpinë e Bardhë.

50 fakte për Obamën

1. Ai njihej si “O’Bomber” në shkollë të mesme për shkak të aftësive të tij në basketboll.

2. Emri i tij do të thotë “ai që është bekuar” në Sualihi.

3. Ushqimi i tij i preferuar janë makaronat me karkaleca që gatuan bashkëshortja e tij, Michelle.

4. Ai ka fituar një çmim “Grammy” në vitin 2006 për versionin audio të librit të tij me kujtime, “Dreams for my father”.

5. Ai është mëngjarash, duke u bërë kështu presidenti i gjashtë mëngjarash.

6. Ai ka lexuar gjithë seritë e librit “Harry Potter”.

7. Ai ka një palë doreza boksi të kuqe me autografin e Muhammad Ali.

8. Kur ka qenë adoleshent, ka punuar në dyqanin e akulloreve “Baskin-Robbins” dhe tani nuk i duron dot fare akulloret.

9. Çokollatat e tij të preferuara janë ato proteinike me kikirikë.

10. Ai ka ngrënë mish qeni, mish gjarpri dhe karkaleca të pjekur, kur jetonte në Indonezi.

11. Ai mund të flasë shumë mirë spanjisht.

12. Gjatë fushatës, kur ishte në udhëtim refuzonte të shihte “CNN” dhe ndiqte më shumë stacionet sportive.

13. Pija e tij e preferuar është çaji i ftohtë i manaferrave.

14. Ai i kishte premtuar Michelle-s se do ta linte duhanin përpara se të kandidonte për President, por s’e bëri një gjë të tillë.

15. Kur jetonte në Indonezi, ai mbante një majmun që quhej Tata.

16. Ai mund të ngrejë pesha deri në 90 kilogramë.

17. Ai njihej si Barry deri në universitet, kur kërkoi që t’i drejtoheshin me emrin e tij të plotë.

18. Libri i tij i preferuar është “Moby-Dick” i Herman Melville.

19. Në vitin 1996 ai ishte i pranishëm në festën e beqarisë së të fejuarit të motrës së tij, por u largua nga festa, kur aty mbërriti një striptiste.

20. Tavolina e tij në zyrën e Senatit i përkiste dikur Robert Kennedy-t.

21. Ai dhe bashkëshortja e tij, Michelle, kanë bërë 4.2 milionë dollarë vetëm vitin e kaluar, më së shumti nga shitja e librave.

22. Filmat e tij të preferuar janë “Kazablanka” dhe “Dikush fluturoi në folenë e qyqes”.

23. Ai mban një statujë të vogël të shenjtes Mari me Krishtin fëmijë dhe një byzylyk që i përkiste një ushtari në Irak, për fat të mbarë.

24. Kur ishte student në “Harvard” aplikoi që të merrte pjesë në një kalendar modelesh, por u refuzua nga komiteti i përbërë nga femrat.

25. Muzika e tij e preferuar përfshin Miles Davis, Bob Dylan, Bah dhe “The Fugees”.

26. Kur doli herën e parë me Michelle, ai e dërgoi atë të shihte filmin “Do the right thing” të Spike Lee.

27. Atij i pëlqen të luajë poker.

28. Ai nuk pi kafe dhe shumë rrallë konsumon alkool.

29. Atij do t’i kishte pëlqyer të ishte arkitekt nëse s’do ishte bërë politikan.

30. Ai ka pranuar se ka marrë marijuanë dhe kokainë, kur ishte adoleshent.

31. Njëra prej vajzave të tij do të shkojë në “Yale” para se të bëhet aktore, ndërsa tjetra do të bëhet këngëtare dhe balerinë.

32. Ai e urren tendencën e të rinjve për të veshur pantallona të gjera të varura.

33. Ai e ka paguar përfundimisht kredinë e tij për studimet, vetëm para katër vitesh, kur nënshkroi marrëveshjen për librin e tij.

34. Shtëpia e tij në Çikago ka katër oxhaqe.

35. Kumbara e vajzës së tij, Malia, është vajza e Jesse Jackson, Santita.

36. Ai ka thënë se zakoni i tij më i keq është se kontrollon celularin në mënyrë konstante.
37. Ai përdor një laptop “Apple Mac”.

38. Ai nget një makinë “Ford Escape Hybrid” pasi ka lënë makinën me gaz “Chrysler 300”.

39. Ai vesh kostume të “Hart Schaffner Marx” që kushtojnë 1500 dollarë.

40. Ai ka 11 palë këpucë të zeza identike me njëra-tjetrën.

41. Ai i pret flokët njëherë në javë tek berberi i tij në Çikago, Zariff, të cilin e paguan 21 dollarë.

42. Programet i tij të preferuara televizive janë “Mash” dhe “The Wire”.

43. Ai ka marrë emrin e koduar “Renegade” nga Shërbimet Sekrete tashmë që është President.

44. Gjyshja e tij, që s’rron më, i kishte vënë nofkën “Bar”.

45. Ai ka në plan të instalojë një fushë basketbolli në Shtëpinë e Bardhë.

46. Artisti i tij i preferuar është Pablo Picasso.

47. Specialiteti i tij në fushën e gatimit është çilli, një gjellë pikante.

48. Ai është shprehur se shumë prej miqve të tij në Indonezi ishin “iriqë rrugësh”.

49. Ai mban mbi tavolinë një dorë druri të gdhendur, e cila mban një vezë, simbol kenian i brishtësisë së jetës.

50. Babai i tij, që s’rron më, ishte ekonomist i lartë për qeverinë e Kenias.

Lini një Përgjigje

Plotësoni më poshtë të dhënat tuaja ose klikoni mbi një nga ikonat për hyrje:

Stema e WordPress.com-it

Po komentoni duke përdorur llogarinë tuaj WordPress.com. Dilni / Ndryshoje )

Foto Twitter-i

Po komentoni duke përdorur llogarinë tuaj Twitter. Dilni / Ndryshoje )

Foto Facebook-u

Po komentoni duke përdorur llogarinë tuaj Facebook. Dilni / Ndryshoje )

Foto Google+

Po komentoni duke përdorur llogarinë tuaj Google+. Dilni / Ndryshoje )

Po lidhet me %s